今日，一班好友同我食左一餐飯，

係我離開前為我餞行，

真係好開心同好感動！

廢基，志仔，紫菜，carson，阿雞，阿蛋，腸仔，fa仔，占士，肥彬，庭鋒，

joyce，fa女，阿ting，阿ki，媚，翠珊，moe，fanny，

多謝你地！！無言感激！！

我地講返好多細個果陣趣事，

每一件都好難忘，充滿愉快回憶！

你地送俾我卡，

係我一生人之中所收到最珍貴禮物。

我會帶埋返大陸ga！！

唔好意思啊志仔，你叫我返去大陸先睇信，

我頭先忍唔住睇左，我真係好意外，

同你係田家炳鬥左五年，哈哈，

換返黎係深厚友誼，

尼份兄弟情，盡在不言中！

你地放心啦！我一定唔會忘記你地，

我會好俾心機讀書，一放假，我就會返黎探你地架！！

等我讀完返黎，我幫你地免費睇牙，哈哈哈！！

終於都係決定左返大陸讀！

31號放左榜，浸會大學中醫收左我。

未放榜之前，廣州暨南大學已收左我讀口腔醫科，

都唔知讀邊間好D?/P>

如果讀中醫，係香港會有個認可學位，

但讀完之後如果入唔到政府醫院，搵其他工好困難！

而且中醫主要睇經驗，讀果d「陰陽，五行」，

咁抽象既野，都係唔係好arm我！

如果讀口腔醫科就唔同，仲可以係香港實習。

即使做唔到政府醫院，

自己打本開返間診所，成本都好唔多。

有一個難題，就係大陸學位係香港唔知認唔認可！

我前日打左去香港牙醫學會問，佢地話一定認可，

但係，如果要係香港執牌，就一定要係香港考多次牌。

佢地仲話，唔理你係邊個國家讀完口腔醫科，返黎都要重新考牌！

同屋企人商量左兩日，琴日終於決定返去讀。

因為，始終西醫出路好好多，較受人重視。

雖然要重新考牌，但如果考到就可以達成願望。

考一次唔得埋就考兩次lor，haha

講果秘密你地聽，我讀牙醫而唔讀臨床醫學，

最大原因係，幫人醫牙唔會醫死人！！！

hahaha

想講d野大家聽，

我前日去左律師樓改名?/FONT>

我以後唔再叫曹炬，

身份證上印唔再係曹炬。

阿媽話襯入U前改左唔洗煩?/FONT>

依家，我有一個新名。

不過你地依然可以叫我做曹炬！

我依然係以前果個曹炬！

暨南大學個入學試好淺，中英數120係滿分。

其他就係100滿分。

我A.maths都未讀過，佢考我pure.maths，我預左肥佬。

好彩有幾條MC題可以撞下，如果唔係，10分都冇！